Шилегов: Експанзијата на комарци се должи на влажниот август

Од понеделник ќе се врши терестрична дезинсекција на подрачјето на Скопје против возрасни форми на комарци, која ќе заврши најдоцна до петок, 4 септември. Прскањето од земја ќе се врши во периодот од 9 до 3 часот, наредниот ден. Доколку временските услови не го дозволуваат вршењето на дезинсекцијата, прскањето ќе се изврши првиот нареден ден, кога временските услови ќе бидат поволни.

Како што истакна градоначалникот на Град Скопје, Петре Шилегов, на вчерашниот брифинг со новинарите, годинава е прскано во пет наврати. Секое прскање со хемија е штетно и поради тоа посочи дека не може да се врши многу често.

Според него, годинашната експанзија на комарци во август се должи на највлажниот август во изминативе 50 години. Проблемот е регионален и треба да се вклучат сите засегнати страни.

– Претходно немавме проблем до толкава мера. Мора најмалку десет дена да поминат додека повторно да се изврши прскање против комарците поради тоа што е штетно за здравјето на луѓето. Сепак, очекувањата се дека конечно ќе се реши проблемот – рече Шилегов.

Текстот за прв пат е објавен на: 2020-08-28 Source: Слободен печат

Прочитај го целиот текст на: https://www.slobodenpecat.mk/shilegov-ekspanzijata-na-komarczi-se-dolzhi-na-vlazhniot-avgust/

За други вести, кликни овде.

You may also like...

Напишете коментар

Вашата адреса за е-пошта нема да биде објавена. Задолжителните полиња се означени со *